Skilmálar Visitor ferðaskrifstofu um skipulagðar hópferðir, sólar- og borgarferðir.
Vinsamlegast kynntu þér eftirfarandi skilmála.

1. Verð, verðbreytingar og skilmálar
Uppgefið verð er staðgreiðsluverð og miðast við netbókun.

Visitor áskilur sér rétt til leiðréttinga á verði og villum sem rekja má til rangrar uppsetningar, tæknilegra ástæðna eða rangar upplýsingar í texta og auglýsingum og áskilur sér rétt til leiðréttinga á verði eða endurgreiðslu hafi rangt verð verið gefið eða af öðrum tæknilegum ástæðum.  

2. Innifalið í verði pakkaferðar.
Flug með sköttum, farangurheimildir sem auglýstar eru hverju sinni ásamt gistingu.

3. Afhending ferðagagna

Ferðagögn hópferðir

Við greiðslu ferðar er send kvittun fyrir þeirri greiðslu sem innt var af hendi. Fullnaðargreiðslu er krafist 8-10 vikum fyrir brottfarardag (fer eftir tegund ferðar) og um leið og greiðsla berst eru send út ferðagögn (bókunarnúmer flugs og voucher fyrir hótel) ásamt ferðalýsingu og þeim upplýsingum sem þykja nauðsynlegar farþegum áður en ferð hefst.

Ferðagögn sólar-og borgarferðir

Við greiðslu ferðar fær viðskiptavinur senda bókunarstaðfestingu á það netfang sem var gefið upp við bókun. Þetta eru fullgild ferðagögn sem notuð eru við innritun í flug og á hótel.

4. Staðfestingargjald ferðar
Þegar ferð er pöntuð/bókuð skal greiða staðfestingargjald 40.000 kr. á mann. Í sumum tilfellum getur staðfestingargjald verið hærra. Sé um hærra staðfestingargjald að ræða á það við um hópabókanir frekar en einstaklingsbókanir.  Staðfestingargjöld eru ekki endurgreiðanleg og geta ekki gengið upp í aðra bókun.

5. Bókun ferðar  í sólar- og borgarferðum

Allar upplýsingar um verð á vef Visitor eru reiknuð út í rauntíma hvert sinn sem viðskiptavinur leitar að ferð. Verð uppgefin á vef eru staðgreiðsluverð. Verð eru háð breytingum á gengi, hvaða fargjald er í boði á hverjum tíma og verði á herbergjum viðkomandi hótela.  Verð er staðfest þegar greiðsla hefur átt sér stað. 

Bókunarvél Visitor er beintengd flugfélögum og hótelum og því geta uppgefin verð tekið breytingum fyrirvaralaust.  Bókun á ferð er bindandi samningur fyrir farþega og ferðaskrifstofu, en þó því aðeins að ferðaskrifstofa hafi staðfest bókun skriflega með tölvupósti og farþegi hafi greitt staðfestingargjald eða fullgreitt bókun sína.  

Öll verð í bókunarvél fyrir sólar – og borgarferðir eru reiknuð út í rauntíma, þegar farþegi bókar á vefnum.  Ef farþegi hættir við bókun á heimasíðu eða klára ekki bókun þá getur Visitor getur ekki ábyrgst að saman verð finnist aftur.

6. Afbókanir og endurgreiðslur hópferða
Sé ferð afbókuð innan við viku frá pöntun endurgreiðum við að fullu það sem greitt hefur verið en höldum eftir þjónustugjaldi kr. 6.900 á mann.

Séu meira en 7 vikur í brottfarardag og ferð ekki að fullu greidd, heldur ferðaskrifstofan eftir greiddu staðfestingargjaldi. Staðfestingargjald er ekki endurgreiðanlegt og gengur ekki upp í aðra bókun. Séu minna en 7 vikur í brottfarardag fæst engin endurgreiðsla.

Afbókanir og endurgreiðslur endurmenntunar og æfinga/keppnisferða

Séu meira en 10 vikur í brottfarardag og ferð ekki að fullu greidd, heldur ferðaskrifstofan eftir greiddu staðfestingargjaldi. Staðfestingargjald er ekki endurgreiðanlegt og gengur ekki upp í aðra bókun.

Afpöntu eða breyting á bókun í sólar- og borgarferðir.

Staðfestingargjald er alltaf óendurkræft. Séu meira en 8 vikur í brottfaradag og ferð ekki að fullu greidd, heldur ferðaskrifstofan eftir staðfestingargjaldi. Séu minna en 8 vikur í brottfarardag fæst engin endurgreiðsla.

Ef hætt er við ferð vegna óvæntra aðstæðna/veikinda/vinnuslyss/andláts eða slíkt að ræða er farþega/farþegum bent á að tilkynna það strax með formlegum hætti til ferðaskrifstofunnar sem útbýr skjal með yfirlýsingu um afbókun. Því næst taka tryggingar farþega við málinu sé þeim til að dreifa.

Ef farþegi mætir ekki til brottfarar á réttum tíma eða getur ekki hafið ferðina vegna skorts á gildum ferðaskilríkjum, svo sem vegabréfi, áritun þess, vottorðs vegna ónæmisaðgerða eða af öðrum ástæðum, á hann ekki rétt á endurgreiðslu ferðarinnar frá ferðaskrifstofunni.

7. Aflýsing og breytingar á ferðaáætlun
Vegna atburða og aðstæðna sem telja má ófyrirsjáanlega og þess eðlis að ferðaskrifstofan getur á engan hátt haft áhrif á atburðarás, né afleiðingar tengdum þeim, ber ferðaskrifstofan enga ábyrgð. Í slíkum tilvikum er ferðaskrifstofunni heimilt að breyta eða aflýsa ferðinni með öllu. Geri ferðaskrifstofan breytingar á ferð áður en hún hefst skal tilkynna það farþega svo fljótt sem unnt er. Sé um verulega breytingu að ræða ber farþega að tilkynna ferðaskrifstofunni eins fljótt og unnt er hvort hann óski eftir að rifta samningnum eða gera viðbótarsamning. Sé ferð aflýst eða farþegi riftir samningi þegar um verulegar breytingar er að ræða á ferð áður en hún hefst, á farþegi rétt á að fá fulla endurgreiðslu eða taka í staðinn aðra ferð sambærilega að gæðum eða betri, ef ferðaskrifstofan getur boðið slík skipti. Ef ferðin sem boðin er í staðinn er ódýrari fær farkaupi verðmismuninn endurgreiddann. Ef ferðin er dýrari greiðir farkaupi mismuninn.

Tímasetningar sem gefnar eru upp við pöntun ferðar eru áætlaðar og geta breyst. Ferðaskrifstofunni er heimilt að aflýsa ferð, ef í ljós kemur að þátttaka er ekki næg. Tilkynna ber þátttakendum um aflýsingu eigi síðar en þremur vikum fyrir áætlaðan brottfarardag. Ferðum er vara í eina viku eða skemur má aflýsa með tveggja vikna fyrirvara. Í sérferðum gildir að lágmarksþátttaka er 10 manns nema annað sé sérstaklega tilgreint í auglýsingum eða sölubæklingum.

 8. Greiðsla ferðar

Við bókun þarf að greiða í staðfestingargjald á mann ef 8 vikur eða lengra er í brottför. Ef minna en 8 vikur er í brottför þarf að fullgreiða ferðina. Staðfestingargjald er alltaf óendurkræft. Hægt er að greiða ferðina með debet, kreditkorti, millifærslu, Netgiró eða Pei. Netgiró og Pei bjóða upp á að skipta greiðslum. Ef viðskiptavinur vill gera það þá er það gert inn á vef Netgiró eða Pei.

9. Forfallagjald/Sjálfsábyrgð
Ferðaskrifstofan ráðleggur öllum sínum farþegum að verða sér út um ferðatryggingu hjá tryggingafélagi. Visitor ferðaskrifstofa selur ekki forfallatryggingar.

10. Tryggingar
Ástæða er fyrir farþega að huga vel að tryggingamálum sínum áður en lagt er upp í langferð. Við hvetjum farþega til að kynna sér hvaða tryggingar eru innifaldar í greiðslukorti sínu. Athugið að þessar tryggingar eru mismunandi eftir tegund greiðslukorts, kynnið ykkur vel skilmála þeirra, sem má fá hjá útgefanda greiðslukortsins.

11. Veikindi eða slys erlendis
Allar upplýsingar um veikindi eða slys erlendis er að finna á upplýsingasíðu um borgaraþjónustu á Íslandi á vef stjórnarráðs Íslands. Nánari upplýsingar hér.

12. Flugið
Upplýsingar um brottfarar- og komutíma flugvéla fást á heimasíðu Keflavíkurflugvallar. Brottfarar- og komutímar er ætíð áætlaðir og háðir breytingum vegna veðurs, af tæknilegum, eða öðrum óviðráðanlegum orsökum. Ferðaskrifstofan ber hvorki ábyrgð né skaðabótaskyldu ef breytingar verða á flugi vegna þessa.

13. Farangur
Upplýsingar um leyfilegan farangur í hópferð eru kynntar í auglýsingu fyrir hverja ferð fyrir sig. Innritaður farangur er ekki alltaf innifalinn í sólar – og borgarferðum nema að það komi sérstaklega fram. Þegar sólar- eða borgarferð er bókuð á vefnum kemur upp valmöguleiki í bókunarferlinu hvort farþegi vilja bóka innritaðan farangur eða auka handfarangur, ef hann er ekki innifalinn í flugfargjaldinu. Ferðaskrifstofan ber ekki ábyrgð á skemmdum sem kunna að verða á farangri í flugi eða í öðrum farartækjum svo sem rútum og áætlunarbifreiðum. Verði skemmdir á farangri í flugvél ber farþega að fá skriflega skýrslu hjá þjónustuaðila flugfélagsins á viðkomandi flugvelli. Flugfélagið greiðir farþega bætur fyrir skemmdan farangur samkvæmt alþjóðlegum reglum og skulu bæturnar sóttar þangað. Hafi farþegi ekki látið gera tjónaskýrslu er ekki hægt að fá farangur bættan. Ferðaskrifstofan ber ekki ábyrgð á ef farangur tapast eða ef hann berst farþega seint.

14. Akstur til eða frá gististað
Í þeim tilfellum þegar akstur er innifalinn er það sérstaklega tekið fram í upplýsingum um pakkaferð. Þar sem akstur er ekki nefndur þurfa farþegar að sjá um að koma sér til og frá gististað á eigin kostnað.
Akstur í hópferðum gerir ráð fyrir að allir farþegar ferðist saman, í sama hópferðarbíl og á sama tíma. Fararstjórar leitast við að safna okkar hóp saman, vísa þeim að rútu og aka saman til eða frá gististað. Eftir að farþegar hafa fundið sinn fararstjóra og verið vísað að hópferðarbíl en ákveða eftir það að nýta ekki aksturinn eða láta sig hverfa af öðrum ástæðum án þess að tilkynna það með formlegum hætti til fararstjóra eru eftir það á eigin vegum og bera eigin kostnað við akstur til eða frá dvalarstað.

Akstur til og frá flugvelli er ekki innifalinn í sólar- og borgarferðum. Visitor getur boðið upp á akstur til og frá flugvelli í gengum samstarfsaðila okkar Welcome Pickups. Hægt er að bóka akstur hér.

15. Miðar á uppákomur, leiki og tónleika
Visitor leggur sig fram við að fá góða miða (góða staðsetningu) á uppákomur, knattspyrnuleiki og tónleika. Þegar hægt er, er staðsetning sæta kynnt sérstaklega við hverja ferð. Óskir farþega um að sitja saman er ekki alltaf hægt að uppfylla. Reynt er eftir fremsta megni að passa uppá að tengdir ferðaaðilar sitji saman. Ef það gengur ekki, þá að þeir sitji eins nálægt hver öðrum og kostur er. Mestar líkur eru að tveir, þrír eða fjórir fái að sitja saman en tekst ekki alltaf. Ef fleiri eru að ferðast saman er ekki hægt að lofa að allir sitji saman en reynt er að verða við öllum óskum eftir fremsta megni.
Afhending miða á viðburði fer fram af fararstjóra á staðnum eða sendir í tölvupósti á tengilið bókunar.
Tímasetning afhendingar getur verið breytileg eftir ferðum.

16. Börn
Börn undir 2ja ára aldri fá ekki úthlutað sæti um borð í vélunum og skulu sitja hjá foreldrum eða umsjónarmanni.

17. Séróskir
Ferðaskrifstofan er umboðsaðili gististaða og hefur ekki yfirráð yfir gistirými. Yfirmenn gististaðanna sjá um niðurröðun farþega í herbergi/íbúðir. Starfsfólk ferðaskrifstofunnar getur ekki ábyrgst að séróskum farþega sé fullnægt umfram það sem getið er í gistilýsingum og verðlista.

18. Gististaðir
Samkvæmt starfsreglum gististaða hafa hótel og íbúðahótel leyfi til að yfirbóka gistirými til að mæta eðlilegum afföllum í pöntunum. Örsjaldan kemur sú staða upp að gististaðir hafa ekki pláss fyrir alla þá viðskiptavini er eiga staðfestar pantanir. Gististaðir eru þá skyldugir til að útvega þeim viðskiptavinum, sem ekki fá inni, sambærilegan eða betri gististað. Þar sem ferðaskrifstofan er umboðsaðili ber hún ekki ábyrgð á yfirbókunum gististaða, en aðstoðar farþega að sjálfsögðu eftir föngum.

Á hótelum eru herbergi eftirfarandi: Single Room (fyrir einn), Double Room (hjónarúm fyrir tvo), Twin Room (tvö aðskilin eins manns rúm, herbergi fyrir tvo). Sum hótel bjóða uppá þriggja manna herbergi sem eru herbergi með hjónarúmi og auka bedda. Þriggja manna herbergi eru í langflestum tilfellum eingöngu ætluð fyrir tvo fullorðna sem sofa í sama rúmi (hjónarúmi) og gest yngri en 14 ára sem sefur á beddanum. Þriggja manna herbergi eru alls ekki fyrir 3 fullorðna.

19. Vandamál
Komi af einhverjum ástæðum upp vandamál í ferðinni er mjög áríðandi að hafa tafarlaust samband við fararstjóra sem reynir að greiða úr hvers manns vanda eða senda tölvupóst á fyrirspurn@visitor.is. Þeir munu gera allt sem í þeirra valdi stendur til að leysa málið á staðnum. Ef það tekst ekki getur farþeginn sent skriflega kvörtun um málið til ferðaskrifstofunnar í síðasta lagi innan mánaðar frá því að ferð lauk í samræmi við almenna ferðaskilmála Samtaka ferðaþjónustunnar. Nefnd sú er meðhöndlar og afgreiðir kvörtunarmál ferðaskrifstofunnar mun afla nauðsynlegra gagna, fá skýrslu frá fararstjóra og yfirfara málið. Þegar málið er afgreitt fær viðkomandi senda skriflega niðurstöðu. Ef farþegi kemur ekki kvörtun sinni á framfæri við fararstjóra meðan á ferð stendur, hefur hann fyrirgert rétti sínum til hugsanlegra bóta. Vinsamlegast athugið að til að athugasemdir farþega fái eðlilega afgreiðslu skulu þær lagðar fram skriflega á þennan hátt sala@visitor.is Sé þetta ekki gert strax sér ferðaskrifstofan sér ekki fært að svara athugasemdum formlega eða leiðrétta það sem útaf ber.

20. Trúnaður
Seljandi heitir kaupanda fullum trúnaði um allar þær upplýsingar sem kaupandi gefur upp í tengslum við viðskiptin. Upplýsingar frá kaupanda verða ekki afhentar þriðja aðila undir neinum kringumstæðum.

21. Notkun á persónuupplýsingum
Sendingar úr kerfi Visitor ferðaskrifstofu kunna að nota persónuupplýsingar, s.s. búsetu, aldur eða viðskiptasögu, til að útbúa viðeigandi skilaboð til meðlima síðunnar. Þessar upplýsingar eru aldrei afhentar þriðja aðila. Meðlimir vefverslunarinnar geta ætíð afskráð sig og þannig neitað fyrirtækinu notkun á slíkum upplýsingum.

22. Vegabréf og áritanir

23. Ferðaheimild fyrir börn / ungmenni
Ef aðeins annar forsjáraðilinn er að ferðast með barnið sitt, þarf að fylla út samþykktaryfirlýsingu BEGGJA forsjáraðila.
Sé það ekki gert má eiga á hættu að vera snúið við á landamærum. Nánari upplýsingar hér.

24. Tollfrjáls innflutningur
Tollfríðindi við áfengiskaup má sjá hér: Nánari upplýsingar hér. 

25. Lög og varnarþing
Um þjónustuviðskipti gilda skilmálar sem skilgreindir eru í lögum um húsgöngu- og fjarsölusamninga nr. 46/2000 og lög um þjónustukaup nr. 42/2000

Varnarþing Vistra ehf. er í Kópavogi.

Rekstraraðili visitor.is (Visitor ferðaskrifstofa):
Vistra ehf.
Hamraborg 20A
200 Kópavogur
ÍSLAND
Kt. 521108-0880
Vsk.nr. 99592
Fyrirsvarsmaður: sigurdur@visitor.is