Ferðin

Knattspyrnuskóli Visitor í Bolton útborg Manchester á Englandi.
Ferðin er vikuferð sumarið 2024.
Ferðast er út til Bolton 24. júlí og flogið heim 31. júlí.

Flesta dagana er æft tvisvar á dag við frábærar aðstæður á æfingasvæðinu í Bolton, þar sem Íslendingar eru í miklum metum.

Einnig er farið í skemmtilegar skoðanarferðir, farið verður á fótboltasafnið í Manchester, stutt er í verslunarmiðstöð þar sem finna má ýmsa afþreyingu.

Spilaðir eru einn til tveir leikir gegn liðum frá svæðinu.

Þjálfararnir í skólanum koma frá Bolton og eru allir með A og B UEFA þjálfararéttindi.
Skólinn er fyrir pilta á aldrinum 13 – 16 ára (2011 - 2008).
9 æfingar og tveir leikir undir handleiðslu toppþjálfara.

Jón Daði Böðvarsson íslenski atvinnumaðurinn í liði Bolton hitti strákana og áritaði treyjur og spjallaði við þá í dágóða stund.

Hótelið

Bolton Stadium Hotel

Hótelið er staðsett og samtengt University of Bolton Stadium vellinum, aðalvelli knattspyrnuliðsins Bolton. Í gamla daga þekktu flestir þennan völl sem Reebok Stadium. Afskaplega huggulegt og frábært fyrir unga og upprennandi knattspyrnusnillinga. Í tveggja mínútna göngufæri við völlinn er verslunarmiðstöð með öllum helstu verslunum, veitingastöðum, kvikmyndahúsum og keilusal. Mikið líf og fjör.

Verð

Verð kr. 279.900 per dreng. Gist er í 2-3 manna herbergjum.

Innifalið - Bolton skóli

Innifalið í ferðinni:

Flug með Icelandair ásamt sköttum

23 kg. innritaður farangur og lítill handfarangur samkvæmt skilmálum Icelandair

9 æfingar og tveir leikir undir handleiðslu toppþjálfara

2 fyrirlestrar

Gisting með fullu fæði í 2 – 3 ja manna herbergum

Aðgangur á fótboltasafnið í Manchester og skoðunarferð um Bolton leikvanginn.

Akstur til og frá flugvelli

Íslensk fararstjórn

Greiðslumáti

Hægt er að tryggja sér sæti í ferðina með því að greiða staðfestingargjald kr. 40.000 per farþega í bókunarvélinni.

Við bjóðum einnig Netgiró og PEI.
Fyrir slíkar greiðslur þarf að hringja í síma 578 9888
á milli 09-16 virka daga og ganga frá greiðslu.

Lokagreiðsla er innheimt 8 vikum fyrir brottför.

Visitor áskilur sér rétt til þess að breyta, fresta eða fella niður ferð ef lágmarksþátttaka næst ekki.