Hucho-veiði í Slóveníu

Ferðin

Hucho veiði í Slóveníu – magnað dæmi!
1. - 5. nóvember 2024.

Hucho er lax.
Dónárlaxinn viðfrægi.
Verður allt að 150 sm langur!


Það er einstakt að kasta flugu fyrir fisk í Slóveníu.
Náttúran og umhverfi veiðinnar er algerlega magnað.
Ekki nóg með það því nú verður þú á höttunum eftir risafiski!

Þú veiðir í þrjá heila daga og deilir ekki stöng með öðrum.

Veitt er á ýmsum stöðum í Slóveníu og ákveða gædarnir okkar á hverjum morgni hvert best er að fara, upp á að veiðilíkurnar séu alltaf hámarkaðar.

Þú mátt búast við að sjá nokkrar ólíkar tegundir fiska; staðbundinn urriða, regnbogaurriða, marmaraurriða og grayling – en huchoinn er markmiðið.
Til þessa að ná honum eru ekki notaðar venjulegar urriðaflugur.
Nei, gædarnir kalla flugurnar „rottur“!

2-3 stangir fara með hverjum gæd – og fara gædarnir með sína hópa á ólíka staði. Lagt er af stað í veiðina um kl. 8 á hverjum morgni og veitt er inn í sólarlagið. Ekki þarf að taka pásu yfir daginn en að sjálfsögðu þarf að næra sig og þá er farið á nærliggjandi veitingastaði.

Við getum ekki lofað þér ótal fiskum en við getum lofað þér ógleymanlegri veiðiupplifun!

Já, og eitt enn.
Veitt er með agnhaldslausum flugum og öllum fiski sleppt.


Hvar er gistingin?
Gist er á hóteli í miðbæ Ljubljana.
Ef þreytan er ekki of mikil eftir veiði dagsins er gaman að rölta um í gamla bænum í þessari fallegu borg og fá sér ljúffengan kvöldmat á einum af fjölmörgum veitingastöðum borgarinnar.
Að gista í Ljubljana er alger aukabónus við þessa ferð.

Hvað er innifalið:
Flugur
Taumar
Tökuvari
Gædar
Veiðileyfi
Akstur á veiðisvæði
Gisting í Ljublijana með morgunmat

Hvað er ekki innifalið:
Flug
Akstur til og frá flugvelli
Hótelskattur sem greiðist á staðnum
Matur í hádeginu og á kvöldin



Hvað þarf ég?
Það eru auðvitað einhverjir hlutir sem fólk vill og þarf að taka með sér.
Við mælum þó með að ferðast eins létt og hægt er!

Veiðistöng
Við erum að fara í stórlaxaveiði.
Best er að koma með einhendu fyrir línu 8 til 10.
Enn betra er að vera með tvíhendu.

Veiðihjól + flotlína
Það þarf að taka með sér veiðihjól með flotlínu eða mjög hægsökkvandi.

Vöðlur + vöðluskór
Við erum að fara í byrjun nóvember þannig að það er skynsamlegt að taka föðurlandið með sér og hlýjan veiðijakka, hanska og húfu.

Möst veiðidót
Við mælum með því að ferðast sem léttast, en auðvitað er persónulegt hvað hver og einn vill taka með sér í veiðiferðir. Veiðigleraugu, vesti og fleira til að taka með sér er auðvitað leyfilegt.

Valfrjálst: Flugur + Taumar
Einhverjir hafa vilja að prófa Black Ghost eða Rauðan Francis eða annað íslenskt fiskanammi auk þess sem það er gott að vera með taum við hæfi á sér (20-36 punda tauma), ef gædinn er að vesenast einhverstaðar.
Um að gera að taka með sér flugubox með flugum til að prófa.
Annars eru Hucho-flugurnar ekki líkar neinu sem við erum vön hér á Íslandi.

En hafa í huga reglurnar um agnhaldslausa króka, það er tekið mjög strangt á því í Slóveníu.

SÆKJA BÆKLING - SMELLA HÉR

Hótelið

EUROSTARS UHOTEL**** LJUBLJANA

Eurostars uHotel er staðsett rétt við hliðina á hinu þekkta Grand Hotel Union Eurostars í miðbæ Ljubljana og deilir sumri af aðstöðu sinni. Þetta samstarf á rætur að rekja til ársins 1979, þegar fyrrum Grand Hotel Union keypti aukabyggingu, sem nú er Eurostars uHotel.

Saman státa hótelin af stærstu ráðstefnumiðstöðinni í Ljubljana og bjóða upp á þrjá veitingastaði fyrir matgæðinga sem vilja kitla bragðlaukana: Union Restaurant, Grand Union Café og Atelje Bar-Restaurant. Þau deila einnig heilsulind með sundlaug, nuddmeðferðum, gufubaði og verönd með frábæru útsýni yfir borgina.

Verð

Verð frá 260.900 á mann miðað við 2 saman í herbergi.

Greiðslumáti

Hægt er að tryggja sér sæti í ferðina með því að greiða staðfestingargjald kr. 40.000 per farþega í bókunarvélinni.

Við bjóðum einnig Netgiró og PEI.
Fyrir slíkar greiðslur þarf að hringja í síma 578 9888
á milli 09-16 virka daga og ganga frá greiðslu.

Lokagreiðsla er innheimt 8 vikum fyrir brottför.

Visitor áskilur sér rétt til þess að breyta, fresta eða fella niður ferð ef lágmarksþátttaka næst ekki.
Náist ekki lágmarksþátttaka endurgreiðum við að fullu það sem þegar hefur verið greitt.

Visitor

Hamraborg 20A

200 Kópavogur

Sölu og þjónustuver: 578 9888

Netfang: fyrirspurn@visitor.is

Hópferðir: hopar@visitor.is

Skráðu þig á póstlista visitor

© 2024, Visitor ferðaskrifstofa

/Skilmálar/Persónuverndarstefna